НОРВЕШКА И ФЈОРДОВИТЕ

.

03.09             Скопје – Осло

Состанок на група на аеродромот во Скопје 2 часа пред лет. Полетување за Осло во 17.20 часот. Слетување во Осло во 20.15часот. Организиран трансфер од аеродром до Осло, сместување во хотел. Ноќевање.

04.09             Осло – Геило

Појадок. Разглед на Осло со локалниот водич (комбинација од пешачење и панорамско разгледување) 2часа: обиколка на норвешката престолнина која минува низ централното подрачје со катедралата, Парламентот, главната улица Карл Јохан, Универзитетот и Кралската палата со прошетка во импресивниот парк Вигеланд со повеќе од 200 неверојатни скулптури. Слободно време. Во попладневните часови поаѓање за Геило. Град познат по скијачките центри, панинарски патеки и два прекрасни национални паркови познати по артичките лисици и диви ирваси, како и повеќе езерца и реки. Сместување во хотел. Слободна вечер. Вечера-изборно. Ноќевање.

05.09             Геило – Берген

Појадок. Патување кон Берген со попатни паузи и две локации за посета. Посета на водопадите Ворингфосен. Овие импресивни водопади имат слободен пад од 145 метри и се една од најпосетуваните туристички атракции во Норвешка и веројатно најпознатиот водопад во земјата. Вториот водопад е Стеинсдалсфосен, интересен е бидејќи можеш да поминеш зад водопадот без да се намокриш. Пристигнување во Берген. Прошетка низ централното грдтско подрачје. Уживајте во тесните калдрмести улички, посетеа на отворен рибен пазар (Fisketorget), кратка пауза за ужина (морска храна или локални специјалитети), уживање во атмосферата и поглед кон морето, можност за возење со фуникулар (5–8 мин) за панорамски поглед на градот. Сместување во хотел. Вечера-изборно. Ноќевање. 

06.09 Берген - Согнефјорд (Леикангер)

Појадок. Разгледување на Берген со водич, градот уште наречен и срцето на фјордовите. Иако е втор по големина град во Норвешка, има атмосфера на мал град, преполн со шарм и урбан карактер. Прошетка низ шарените дрвени куќи, симбол на Берген “The Hanseatic Wharf”, дел од светското наследство на UNESCO и одраз на трговската моќ на градот во минатото, кога Берген бил центар на трговијата меѓу Норвешка и останатите градови во Европа, Bergenhus Fortress, надворешен разглед на една од најстарите тврдини во Норвешка... Поаѓање за Ликингер со стоп во Флам.  Крстарење по Nærøyfjord: започнува од Flåm, бродот ќе го започне своето патување пловејќи низ идиличниот Аурландс фјорд, кој исто така е впишан на списокот на светското наследство на УНЕСКО. Понатаму, бродот продолжува низ тесниот Nærøyfjord пред да пристигне Гудванген, највнатрешниот фјорд од целиот Нордфјорд. Крстарењето е околу два часа во еден правец, од Флам до Гудванген од каде групата ќе биде превземена со автобус. Патување кон Леикангер, сместување во хотел. Вечера-изборно. Ноќевање.

07.09             Согнефјорд (Леикангер) - Нордфјорд

Појадок. Патување кон Нордфјорд, со попатна посета на глечерот Бриксдал. Опција да пешачите или пак да се изнајми „Тролкар“  (мали електрчини коли, налик на голф количка) во случај да не сакате да пешачите. Патеката е долга 2,5 километри, пешачењето трае околу 30 минути, релативно лесно совладливо со мали наклони. Глечерот Бриксдал е една од најпосетуваните туристички атракции во Норвешка, опкружен со величествени планини и прекрасни водопади. Уживате во спектакуларните пејзажни на планинските водопади, кристално чистите езера и традиционалната архитектура. Патување кон Нортфјорд, сместување во хотел. Вечера. Ноќевање

08.09 Нордфјорд – Молде – Кристијансунд

Појадок. Патување кон портот Геирангерод каде што започнува крстарење по фјордовите од Гејрангер до Хелсилт. Гејрангер фјорд, еден од најпознатите во светот, вистински скапоцен камен, со својата карактеристична форма S. Високите водопади и напуштените планински форми и целиот овој пејзаж на фјордот е вклучен на листата на светското наследство на УНЕСКО. Патувањето продолжува кон Кристијансунд преку Молде и автопатот Атлантик. Крајбрежниот Атлантски пат е еден од најсценските за возење во светот, уникатен дел од патот ве води веднаш до работ на океанот, а во 2005 година е прогласен за „Инженерски подвиг на векот“ на Норвешка. Отворете ги сите ваши сетила бидејќи искуството на Atlantic Road ќе ви остави спомени за цел живот. Пристигнување во Кристијансунд, шарениот град, има живописната крајбрежна архитектура,  познат по малиот „воден автобус“ (фери) кој е дел од јавниот превоз и те носи меѓу островите како и по традиционална подготовка на сушена солена риба „ Bacalao“. Сместување во хотел. Вечера-изборно. Ноќевање.

09.09 Кристијансунд – Лилехамер

Појадок. Патување кон Лилехамер со попатни паузи и застанувања (предвидени се две до три паузи во текот на патувањето Dombas, Dovrefjell park, Oppdal). Опдали,  познат како едно од најголемите алпски одморалишта во Норвешка, поминувајќи низ Домбас, главната раскрсница на Норвешка,  каде што се среќаваат патишта, железница и неколку национални паркови. Паркот Доврфел, националниот парк со диви ирваси, планински лисици и елени, еден од најбајковитите планински области во Норвешка. Пристигнување во  Лилехамер, градот домаќин на Зимските олимписки игри 1994 и познатата скокалница Лисгордсбакен. За оние кои се физички спремни предизвикот да се качите до врвот на скокалницата е точно 900 скалила, а видикот е прекрасен. Сместување во хотел. Вечера-изборно. Ноќевање.

10.09 Осло – Скопје

Појадок. Слободно време за истражување на Осло или пак можност за посета на музеитКон-ти-Ки и Фрам. Трансфер до аеродромот во Сандерфјорд. Лет за Скопје во 20.50 часот. Слетување во 23.55часот.

Цена на аранжманот – рана уплата   - 1555 евра  ( 96.410,00 денари )

Редовна цена на аранжманот -  1790 евра  ( 110.980,00 денари )

Во цента е вклучено

Авиобилет на релација Скопје – Осло – Скопје со Визер
Информација за лет
03.09 Skopje – Oslo Sandefjord Torp 17:00 - 20:15 (W6 4705 )
10.09 Oslo Sandefjord Torp – Skopje20:50 - 23:55 (W6 4706 )
10кг. Чекиран багаж по соба (за 2 или 3 лица)
7 ноќевања со појадок во хотели 3/4*
1 ноќевања со појадок во Осло
1 ноќевање со појадок  во Геило ,
1 ноќевање со појадок  во Берген,
1 ноќевање со појадок  во Согнефјорд (Леикангер)
1 ноќевање со појадок во Нордфјорд,
1 ноќевање со појадок  во Кристијансунд ,
1 ноќевање со појадок  во Лилехамер
Две крстарења по фјорд од Флам до Гудванген  и од Гејрангер до Хелсилт
Вклучен превоз и трансфери за цело време на програмата
Разглед на Осло и Берген со локални водичи
Премин со траекти според програмата
Организација на аранжманот, лиценциран водич / пратител за целото патување

 Во цената на аранжманот НЕ е вклучено:
Доплата за еднокреветна соба – 23.600 евра
6 Вечери во хотел или во локален ресторан 18.600 евра
Влезница за музејот Фрам  - 15 евра по лице
Влезница за музејот КОН ТИКИ  - 10 евра по лице
Трол автомобили Бриксдал  – 35 евра
Патничко – здравствено осигурување

Напомена:
Цените се по лице за сместување во двокреветни соби и трокреветни соби.
За реализација на аранжманот потребен е минимум од 22 патници.
Усни и телефонски резервации се невалидни. За резервација задолжителна уплата на аванс од 30% од вкупниот износ на аранжманот. Целосна доплата на аранжманот е 15 дена пред поаѓање.
Плаќањето е исклучиво во денарска противвредност по курс 1 евро = 62,00 денари.
Сите наведени факултативи се остварливи, резервација е задолжителна во агенција За реализација на факултативните излети потребен е минимум од 15 патници.
За услугата вечера потребно е минимум 10 лица.
При резервација задолжително е изјаснување/пријавување кои од понудените факултативи ќе ги користи патникот како би можела агенцијата навремено да ги организира истите.
Агенцијата го задржува правото на промена на редоследот на програмата во случај на непредвидени објективни причини, како на пример застој на граница, доцнење на летот, застој во сообраќајот, затвореност на некој од локалитети предвидени за посета ...
Организаторот на патувањето го задржува правото по пат на ultra first или last minute понуда да ги објави и продаде слободните места по цени кои се разликуваат од оние кои се веќе објавени. Лицата кои го уплатиле аранжманот по редовен ценовник, немаат право на надомест на средства за разлика во цена.
Агенцијата го задржува правото на отказ на аранжманот 7 дена пред поаѓање доколку не е исполнет бројот на пријавени лица предвидени по програмата за ова патување.
Патникот има обврска пред поаѓање 24 часа да ја контактира агенцијата за потврда на точното време и место на поаѓање.
Патната исправа треба да е валидна минимум 3 месеци по завршувањето на аранжманот. Валидноста на патните исправи се обврска на патниците, при уплата на резервација должни се истите да ги приложат во агенцијата за проверка.
За овој аранжман важат општите услови за патување на Т.A. СУПЕР ТРАВЕЛ