ПСАКУДИЈА - ЛЕТО 2026

Вила „PASCHALIA 2“

*10% early booking до 01.02.2026, со 50% уплата и доплата 15 дена пред поаѓање.

Псакудија е лоцирана на самиот почеток на Ситонија, односно на преодот помеѓу Касандра и Ситонија. Позната е по долгата километарска плажа со златно-жолт песок, и е носител на сино знаме за чистота на водата. Се состои од една главна улица која се протега низ целото село и покрај самата плажа. Долж таа улица се лоцирани 6-7 таверни, неколку одлични бич барови, паланчикара, слаткарница, фаст фуд и пристојно детско игралиште. Во Псакудија има и две пекари и месара, и 2-3 големи и убаво снабдени маркети. Се на се, место кое има се што е потребно за еден убав и мирен одмор.

Вила Пасхалиа 2 се наоѓа на првиот ред (пред неа има полјанка), на 100м од плажа. Располага со 1/2 и 1/3 креветни студија, распоредени на ниско приземје, прв и втор кат, со непречен поглед кон море. Пред нив има убаво среден двор со зеленило . Студијата се опремени со клима (вклучена во цената), WI-FI, мини кујна, опремена со прибор според бројот на кревети, тераса опремена со маса, столици.

НАПОМЕНИ:

* Цените се однесуваат за наем на студио за 7 ноќевања;

* Во собите е дозволено сместување на лица согласно со бројот на легла. Единствено, над бројот на кревети е дозволено сместување на едно дете до 5,99 години. (не користи легло);

* Туристичка такса се плаќа во агенција;

* Сместувањето во собите е после 14:00 часот локално време, а напуштањето на собите е до 10:00 часот локално време;

* Промена на постелнината е на 7 дена.

* Клиентите превземаат чист апартаман, и во текот на

престојот сами се грижат за чистотата.

* Агенцијата не превзема одговорност за квалитетот на интернет конекцијата во апартманите/студијата;

* Плаќањето се врши во денарска противредност каде 1 евро = 62,00 денари

* Промена на име на патник, термин или сместувачки капацитет без оправдана причина се смета како манипулативен и административен трошок и се наплаќа 620,00 денари (10 евра)

ПОПУСТИ:

* За уплатени два аранжмана 7+7 ноќевања одобруваме вкупен попуст од 5%;

* Различните попусти не се комбинираат, односно не се одобрува попуст на веќе одобрен попуст по друга основа;

* Попустите за рана резервација не се комбинираат со останатите попусти;

РЕЗЕРВАЦИИ И ПЛАЌАЊЕ:

* За сигурна резервација се подразбира исклучиво уплата на 30% аконтација во моментот на потпишување на Договор за патување, и целосна уплата најдоцна 15 дена пред започнување на аранжманот;

УСЛОВИ ЗА РАНА РЕЗЕВАЦИЈА:
* Уплата 50% од износот на аранжманот;
* Доплата најдоцна до датумот кога истекува попустот за рана резервација;
* Сите резервации направени или платени по предвидените датуми за рано букирање ќе бидат наплатени по редовни или ревидирани услови и цени актуeлни во периодот на доплата;

ПРЕВОЗ:
* Превозот со автобус се извршува до туристичката дестинација, на најблиското место каде што може да застане автобусот;
* Патниците самостојно го пренесуваат својот багаж од местото на запирање до објектот;

* Агенцијата, распоредот на седење во автобусот го прави 2 дена пред датумот на поаѓање;

* Кога патникот уплаќа превоз, тоа значи дека има обезбедено седиште во превозното средство, а доколку сака да резервира одредено седиште, тоа може да го направи со доплата од 10 евра по лице. Првиот ред на седишта е резервиран за персоналот;

ЦЕНА ЗА ПРЕВОЗ Скопје-Халкидики-Скопје:

* 50 € возрасни (повратен билет), 40 € возрасни (eден правец)

* 40 € деца од 2 - 12 години(повратен билет), 35 € деца од 2 - 12 години(еден правец)

* БЕСПЛАТНО за деца до 2 години (не користи седиште)